信貸評級就好似你嘅成績表，反映咗你嘅信貸狀況，甚至會影響你未來嘅人生計劃！不論你想買樓、創業，或者申請移民，擁有好嘅信貸評分都可以幫你更容易申請按揭或貸款。如果你過去有較差的信貸紀錄而想「洗底」，應該點做好呢？

 

事實上，即使你今日嘅信貸紀錄唔好，但只要慢慢改善信貸習慣，日子耐咗，信貸評分會自然上升！

 

以下有幾個小貼士：

唔好淨係還最低金額

只還最低金額會令你嘅欠款越滾越大，利息都會愈來愈多，咁唔單止還款會變得更辛苦，你的還款能力都可能被質疑，影響信貸評級。

 

避免短時間內申請多張信用卡

自從你申請第一張信用卡起，就會開始有信貸紀錄。如果同時申請多張信用卡，機構會短時間內查你嘅信貸報告，可能會令他們誤會你財務狀況唔穩定。如果需要多於一張信用卡，可以考慮間隔幾個月再申請，咁樣唔會影響評級。

 

唔好淨係用現金

有啲人以為唔用信用卡就唔會有負面紀錄，但實際上，冇信用卡同借貸紀錄，銀行根本冇方法評估你嘅信貸狀況，可能會因資料不足而拒絕你嘅申請，影響你嘅信貸評級。

 

留意信用卡信貸使用度

理想嘅信用卡信貸使用度應該係30-50%。如果超過呢個水平，可能會影響你嘅信貸評分。

 

定期檢查信貸報告，發現問題記得修正

定期查閱信貸報告可以幫你保持資料準確，仲可以修正有關評分。

 

只要保持良好嘅習慣，你嘅信貸評級一定會唔差！

有得揀，都要識得揀i-Choice。我的貸款選擇！