現代人生活越嚟越依賴互聯網，例如網購、使用各種網上銀行服務，甚至網上交友等，而數碼騙案數字亦不斷上升。原本以為信用卡嘅一次性驗證碼（OTP）可以保障網購消費者，但係最近就連續出現咗幾宗信用卡被盜用作網購嘅案件，事主更連同OTP一同被盜，因而大受損失。

有傳媒報道指，有市民係冇收到銀行嘅一次性短訊驗證碼情況下，信用卡被盜用。銀行方面則指曾向客戶手機發出短訊OTP，在交易時亦有輸入相關驗證碼，因此認為交易係獲得客戶授權下進行。

有分析認為，發生有關情況或與個人資料被盜用有關。騙徒有可能偽冒銀行發出短訊或電郵甚至在受害人手機入面植入惡意軟件，以刪除受害人手機上的 OTP 或銀行通知短訊，同時將短訊轉發予騙徒。

到底有咩辦法可以避免成為苦主

1. 唔好點擊進入可疑嘅超連結

2. 經常查閱信用卡帳單

3. 當發現信用卡被盜用，立即致電信用卡發卡銀行通報

雖然科技進步帶來好多方便，但我哋都要小心啲，時刻提高警覺，免墮入騙徒的陷阱! 

有得揀，都要識得揀i-Choice。我的貸款選擇！